mga naligaw ng landas

Miyerkules, Hunyo 11, 2014

Maligayang Araw ng Kasarinlan

"Ihawin at Katayin ang mga PORK!  Ilagay sa BARREL tapos ibala sa KANYON!

Masaya ako ngayong araw dahil "Independence Day" nga di ba? pero kahit independence day eh marami talaga ang nagdiriwang ng kani-kanilang sariling "independence" araw-araw,,

- yung mga nagsarili na ng bahay at humiwalay na sa mga magulang nila.

- yung mga nagsarili na rin at sa wakas ay naka hiwalay na rin sa mga byenan nila (hehe)

- yung mga lalake na tuwang tuwa sa salitang "Araw ng Kalayaan" dahil SINGLE na daw sila

- yung mga lalake na tuwang tuwa sa salitang "Araw ng Kalayaan" dahil BABAE na daw sila

- yung mga bata na napakasaya ngayon dahil meron na rin silang natatamasang KALAYAAN dahil wala silang pasok ngayong araw.

- at yung mga loko-lokong lasenggero dahil walang trabaho ngayon kaya MALAYA silang mag-inom.

Pero sa seryosong pananalita, masyadong masarap pakinggan ang KALAYAAN kahit hindi pa natin talaga natin lubos itong natatamasa,,, di ko alam kung kalayaan maituturing ang pag-sandal natin sa Amerika na alam ko naman kahit papaano ay kinakailangan din naman natin sa pag-depensa sa ating sarili at kailangan talaga nating gawing ka-alyado dahil sa dami ng mga Pilipino na nagsipag-tirahan sa Amerika. Nalulungkot din ako kahit papaano pag ginugunita (syempre mas lamang parin ang pagiging masaya) ang araw na ito dahil MALAYA nga daw daw tayo, sabi yun ng buong mundo at ng bawat Pilipino,, MALAYA nga,,,, lakas naman nating sirain ang ating pagiging malaya sa pamamagitan ng korapsyon, pagiging makasarili, "crab-mentality", pag-tangkilik sa produkto ng ibang bansa kaysa sa sarili natin at sa napakarami pang kadahilanan. Sa tingin ko magiging isang daang porsyento na ang pagiging masaya ko tuwing ikalabindalawang araw ng Hunyo kapag nabigyan natin ng HUSTISYA o HALAGA ang salitang KALAYAAN na tinatamasa natin ngayon. Mahiya po tayo sa libo-libo o milyong mga tao na nag-pakahirap para lang nandito tayo ngayon sa kinakatayuan natin.

Salamat ulit sa pag-bisita, Mabuhay Pilipinas!


Martes, Hunyo 10, 2014

Bata Bata Paano Ka Walangya?

Sa lahat ng mga nangyayari sa panahong ito sa kapaligiran, di ko maiwasang itanong,, mas walangya nga ba ang mga bagong tao na sumisibol ngayon sa mundo? o talaga lang na nasa sa tao lang talaga ang sarili nyang ikasasama o ikakabuti? bakit ko nasabi? nung panahon kasi ng aking kabataan (elementary or highschool days ko) eh sabi ng mga matatanda samin dati pag medyo nag-wawalang-hiya kami (party, inom, sigarilyo, at kung anu-ano pa) eh "iba na talaga ang mga bata ngayon, mas masama pa kayo kaysa sa amin" .... na i-stuck sa kakapraso kong utak ang katagang iyon, sabay napa-isip pa tuloy ako lalo ng ganito "kung walangya pala kami noon eh talagang mas walangya pa pala mga bata ngayon." eh bakit ko nasabi? mas maraming bata ngayon kahit mga lima o anim na taong gulang palang ay hindi na nagsasalita ng "po at opo", mas marami ngayong bata ang hindi marunong makinig pag napapagsabihan, yung iba aasarin ka pa kahit alam na mali talaga sila. mas marami ngayon ang batang lalakeng mabisyo o mahilig bumira ng babae (halos pantay narin yung lalakeng kung umistayl ay babae) at ang mga babae parang mas maluluwag ang garter ngayon, baket? mas mabilis malaglag ang mga underwear nila ngayon. Ako na mismo eh gusto kong pasinungalingan ang sarili ko, kaso, hindi naman ako bulag, nakakapaglakad parin naman ako sa mga pampublikong lugar katulad ng mga malls, ka-kalsadahan at kung saan saan pa, marami na akong nakitang patunay, mga babaeng may dalang sanggol (di nyo pwedeng sabihin na kapatid nya lang yun dahil camera nalang ang kulang eh family picture na ang da-moves) tapos mga magsosyota na ang masasabi mo nalang eh "get a room", tapos mga magulang at anak na naguusap na halos yung anak na ang nagiging magulang dahil sa tono ng mga pananalita eh parang sila yung nanganak at sa kanila lumabas yung mga magulang nila. Pero syempre katulad nga ng nasabi ko kanina eh sana ay "NAGKAKAMALI" ako,, patunayan sana ng mga kabataan nating ngayon na hindi sila puro purma, uso, at pang-multimedia/social networking/selfie-ish na mga tao lamang, dapat ay maging maayos sila sa mga nakakatanda o sa ibang mga tao at lalong lalo na sa mga sarili nila.

salamt ulit sa pagdalaw,, ambait nyo talaga,, kahit hindi pa kayo multo,, dumadalaw na kayo

salamat! :D

Lunes, Hunyo 9, 2014

April Fools Ito, Hindi Friday The 13th...

Ayokong maniwala sa malas,, pero sa mga nangyayari eh... parang meron nga talagang malas...

Kwento ko ha??! (oo tama ka, ike-kwento ko talaga)

- Dapat maaga akong papasok dahil unang araw ng buwan (parang pag unang araw ng linggo lang yun eh) kaso naiwan ako nung sinasakyan kong jeep, 45 minutes tuloy akong na- late kasi magpupuno nanaman ng pasahero yung sumunod na jeep, pag dating ko sa opisina eh hindi ko pa namalayan na hindi ko pala nasuot yung sinturon ko at magkaiba pa medyas ko. waw... sarap

- Pagkatapos ng ilang araw, sinikmura ako ng matindi, akala ko nga ulcer na, pero nawala naman matapos ang tatlong araw, kaso sa loob ng tatlong araw na yun eh hindi ako nakakain ng ayos dahil ang hapdi pag-kumakain ako... tsk tsk... yun pa naman yung pinaka kinasasabikan ng mga tao sa opis kada araw, yung pagkain syempre sa tanghali.

- Nagpagupit ako (medyo long-hair na kasi) pero pag tingin ko sa salamin eh hindi ako masaya sa kinalabasan ng buhok ko,, kahit gusto kong magwala dun sa loob ng pagupitan eh hindi ko na ginawa dahil hindi naman pwedeng ibalik yung buhok na hinarvest sa ulo ko.


---- sa totoo lang medyo late na talaga itong post na ito,,, ito yung mga nangyari sa akin nung Abril... kasi sayang naman pag hindi ko na-publish,, bwehehe)


Sa ngayon eh parang di na ulit ako masyadong minamalas katulad ng buwan na yun,, kasi yung "pagpasok tapos may makakalimutan ako" na issue ay nasolusyunan ko na ng pagiging mahinahon at ang hindi pagpapa-dalos-dalos...pano yun? edi bumangon ng maaga... tapos yung pagiging mabwisitin ko sa pagco-commute ay nagawan ko na rin ng paraan.. anung paraan? edi bumili ako ng sarili kong motorsiklo,,, (para menos bad vibes sa mga taong "not so morning persons" ba) tapos nasolusyunan ko narin yung sa buhok ko,, pano? eh dalwang buwan narin naman nung mangyari yung kwento ko.. eto tumubo na,, medyo long hair na ulet... ayus!

salamat ulit sa pag dalaw, ugaliin nyo yan ha!