mga naligaw ng landas

Martes, Hulyo 31, 2012

AKO MUNA


"eto ang laging iniisip ng karamihan sa atin, siyempre  walang aamin na ganto sila hindi ba?"


-          Gusto ko lang pag usapan ang mga bagay na kumakabit sa salitang “Ako Muna”, Anong meron sa salitang iyon at bakit ko ito gustong talakayin? Dahil araw araw nalang ay may nakikita akong ganito, hindi ko na nga mawari kung talagang ganito tayong mga Pilipino o sadya lang talaga na makasarili lang talaga ang lahat ng tao sa mundong ito. Marami ka naman talagang makikita na pangyayari sa pang araw araw na umaayon dun sa salitang “Ako Muna” na nabanggit ko, may ilang halimbawa ako na bibigyang buhay ko sa pamamagitan ng paglalagay ko sa sarili ko sa sitwasyon na “Ako Muna”

-          Sa pagsakay sa pampasaherong dyip at kung anu pang transportasyong pang-masa, eh hindi ako iipod para lamang maging komportable ang katabi ko, hindi ko naman yun kakilala eh at ano bang pakelam ko dun? siyempre, bakit ko iisipin ang sitwasyon nya kung ako naman yung masisikipan, hindi ba?

-          Ipapahamak ko yung katrabaho ko para malihis ang atensyon ng mga kinauukulan sa mga pagkakamali na ako naman talaga ang may kasalanan. Edi safe na safe ako diba?

-          Bakit ako magbibigay kung wala naman akong makukuhang kapalit o pampalubag loob man lamang, wais to! Uutusan ako tapos hindi man lang ako mabigyan ng pang sigarilyo?

-          Bakit ako pipila ng maayos? Pwede naman akong magpanggap na “senior citizen” diba? Matanda na rin naman ako kahit wala pa ako sa pagiging senior citizen, medyo may puti narin naman ang buhok ko diba? Hindi na ako masisita at mahahalta kahit mag-cut ako sa pila o pumila ako sa hindi ko naman talaga pila.

-          Kelangan makakuuha ako ng mga papremyo sa pa-contest ng kumpanya, konting daya lang naman at sabagay.....laru-laro lang din naman yun eh.

-          Siguro mas mabuti na kumuha muna ako ng konti dun sa pinaghirapan ng iba, may kinikita pa naman yung kaibigan ko eh, mapapagtrabahuan pa nya yung pera na kukuhanin ko, total hindi naman nya bilang eh.

Nakakalungkot isipin at mahirap din talagang lunukin, hindi maitatanggi pero nagkalat parin talaga ang ganyang mga tao at sa totoo lang,, hindi ko alam kung paano din sila mapagbabago,,, kailangan ba na mabasa muna nila ang post kong ito? Kelangan bang pangaralan lang at kausapin sila? ipa-pray over ba o ipapa-bendisyunan? Kung anu man ang solusyon eh hindi ko talaga alam,,, hindi rin naman sa nagmamalinis ako…kasi minsan madamot talaga ako sa yosi lalo na pag iisang piraso nalang ang natitirang laman ng kaha ko, kaya sinosolo ko na talaga, Hindi ko kasi trip yung "Ako Muna" mas gusto ko yung salitang "Paano Na Ko? :p .......

………..salamat po at magandang araw

Sabado, Hulyo 21, 2012

Rain or shine, sure ba talaga?


Rain or shine...Umulan o umaraw ang pagsasalin  nito sa tagalog pero pag inisip mo dapat "Ulan at Kintab" o diba ang bright bright ko ? 


Well anyway kamatchiley...Hindi kupunan sa basketbol ang gusto kong ikwento sa inyo ngayon, at lalong hind tungkol sa pintura na ang tatak ay Rain or shine (kung pintura nga ba yung lintek na yun),ang gusto ko na ibahagi ay tungkol sa mga weather forecast na napapakinggan ko, natatanga na rin kasi ako minsan (kahit alam ko naman na tanga nga rin pala ako palagi) pag naririnig ko ang mga forecast na ibinabahagi ng PAGASA sa radyo at telebisyon, magtatanong si broadcaster ng ganito....

Broadcaster: "Naging maulan po kanina, dahilan po ba ito ng low pressure area na naumumuo malapit sa Pilipinas? 

Weather man: "Opo, naging maulan po kanina sa katimugang bahagi ng luzon at nagdulot ng pagbaha sa ilang bayan doon dahil sa namumuong sama ng panahon" 

......wala akong masabi, hindi na kasi forecast ang tawag dun kundi "stating the obvious" na talaga, tapos sasabihin pa na "magiging maulan din po bukas o sa mga susunod pa na araw at maaari din maging maaraw sa umaga at makulimlim at maulan sa hapon” ..... papayag ba naman ako na wala akong maging reaksyon tungkol sa stament na yun? Siyempre hindi…..ahehe, pwede namang sabihin na "baka umulan o umaraw bukas, wait nalang kayo at mag abang", at OW-MAHAY-GAHD….malamang MAARAW sa umaga, at MAKULIMLIM sa gabi, ipapaliwanag ko pa ba naman ito?...ahehe huy PAGASA joke lang yun ha, alam ko naman na under equipped kayo at sa ngayon ay nagkukulang pa sa tao,, pero dahil sa isa akong "concerned" na citizen ay may suggestion ako,, mag dodonate ako ng ganito para makatulong naman ako .... eto

hindi hamak na mas mura ito sa doppler radar hehe



Linggo, Hulyo 15, 2012

Chamba, Swerte, Bwenas atbp.

Hay gulay... tagal ko nanamang walang naipost dito sa blog na ito, spyempre as usual eh magdadahilan nanaman ako, kesyo madami akong trabaho, kesyo marami akong inaasikaso, kesyo.... pumasa ako sa Civil Service Exam!?......... huwaaat!? YES! opo tama po kayo, hindi kayo nagkakamali at lalong hindi pa kayo nililisan ng katinuan,, pati ako naguluhan, hindi pa po nawawala ang himala ng "swerte", ahehe, subpro lang naman, (kala mo naman Board Exam ang naipasa ahehe, mas mahirap naman siguro yun),, pasensya na po at naikwento ko lang sa inyo dahil nung sa nakaraan kong post ay nabanggit ko po na ibabahagi ko sa inyong lahat  kung pumasa man ako o bumagsak sa haharapin kong pagsusulit na iyon, kaya ito na nga po at ikinukwento ko ng ubod wasak sa pagkakangiti sa muka ko habang pinipindot pindot ko itong keyboard ko :-) ....sana pag nagtagal makakuha din ako nung exam para sa professional, (baka mahawa sa swerte eh at katulad kasi nung nasa profile ko eh hindi ko naman itinatago na hindi pa ako nakakatapos ng pag-aaral) kasi kapag, baka, sana at wish ko lang na kung baka sakali (ang kulit eh) na ma-regular ako sa trabaho at pag gumugol ako ng panahon sa serbisyo ay may pagkakataon daw talaga na kumuha ng exam para sa professional, yun ay ayon lamang sa mga kuro-kuro,, pero what the hell bilbel, basta masaya ako ngayon dahil kahit papaano for the first time ay hindi lang sa listahan ng absent, late, noisy at standing lang makikita ang pangalan ko ahehe, salamat po sa pagbisita at magandang araw... wag po ninyong makalimutang madapa ha :D